Almaty mektepteri qandaı jaǵdaıda onlaın formatqa aýysady

ALMATY. QazAqparat - Almatyda epıdemıologııalyq jaǵdaı kúrdelene tússe, mektepter onlaın bilim berý júıesine kóshirilý múmkin. Bul týraly Jandarbek Bekshın aıtty, dep habarlaıdy QazAqparat tilshisi.

«Eger synypta koronavırýs juqtyrǵan oqýshy anyqtalatyn bolsa, onda oqýshylar onlaın rejımge aýystyrylady. Eger oqýshylar men muǵalimderdiń 20 paıyzy vırýs juqtyrsa karantın emes, mektep tolyǵymen jabylady. Oqýshylardyń jartysy oqyp, jartysy oqymasa karantın bolady», - dep túsindirdi Jandarbek Bekshın.

Sonymen qatar, ol sozylmaly aýrýy bar oqýshylar qalaı oqıtynyn tilge tıek etti.

«Ata-analardan ótinishter kelip túsip jatyr. Olar sozylmaly aýrýmen aýyratyn balalaryn onlaın bilim berýge aýystyrýdy suraıdy. Kóptegen ata-ana osyndaı ótinish jazady. Eger bul medıtsınalyq qujattarmen rastalsa, bala úıden oqýǵa aýystyrylady. Sonymen qatar, eger synypta naýqas adam tabylsa, ınfektsııanyń tutastaı taralmaýy úshin barlyq synyp onlaınǵa formatqa kóshedi» - dep qosty spıker.