Almaty mektebinde garderobta bolǵan shýdan soń bir bala jaraqat aldy
ALMATY. QazAqparat – Almatyda mektepte kıim alýǵa talasqan balalardyń kesirinen bir bala jaraqat aldy, dep habarlaıdy QazAqparat tilshisi.
Vıdeo áleýmettik jelide jarııalandy. Vıdeo avtorynyń aıtýynsha, oqıǵa 7 aqpanda №5 mektepte bolǵan. Oqys oqıǵanyń kesirinen bir bala aıaǵynan jaraqat aldy.
Gımnazııa dırektorynyń mindetin atqarýshy Sáýle Jumabekovanyń aıtýynsha, balanyń aıaǵy synbaǵan. Tek sińiri sozylǵan.
«Bizde garderob ortaq. 5-sabaqtan soń úılerine asyqqan oqýshylar garderob esigi ashyla salysymen bir-birin taptap ketken. Bir balanyń sińiri sozylyp ketti. Ata-analaryn, jedel járdem shaqyrdyq. Qazir bala úıinde, jaǵdaıy jaman emes», - dedi ol.
Sáýle Jumabekovanyń aıtýynsha, mundaı jaǵdaı mektepte birinshi ret bolyp tur. Buryn barlyq oqýshylarǵa ortaq garderob bolsa, qazir ár synyp oqýshylary óz synybynda sheshinetin boldy.
Bul mektepte oqýshy orny tapshy. Mektep 860 orynǵa arnalǵan bolsa da 2257 bala oqyp jatyr.
