Almaty máslıhatynyń 3 ýchaskesine depýtattar saılandy

ALMATY. QazAqparat - Almatyda mandatyn tapsyrǵan Máslıhat depýtattarynyń ornyna kimder saılanǵany týraly belgili boldy, dep habarlaıdy QazAqparat tilshisi.

28-qazanda Almatyda Jetisý jáne Túrksib aýdandaryndaǵy №25, 34, 36 ýchaskeler boıynsha mandatyn merziminen buryn tapsyrǵan depýtattardyń ornyna kezekten tys saılaý júrgizildi.

Qalalyq saılaý komıssııasynyń tóraıymy Janna Asanovanyń aıtýynsha, saılaýǵa 9 úmitker qatysqan.

«№25 okrýg boıynsha «Nur Otan» partııasynyń múshesi Ashat Chılıkbaev saılaýshylardyń daýsynyń 70,4%-yn jınap, birinshi orynǵa shyqty. №34 okrýg boıynsha «Nur Otan» partııasynyń múshesi, «Órleý» ortalyǵynyń tóraıymy Gúlnas Ahmetova daýystardyń 73,3%-yn jınady. №36 okrýg boıynsha «Nur Otan» múshesi Mıhaıl Grachev daýystardyń 72,8%-yn jınap bir aýyzdan saılandy»,- dedi Janna Asanova.
 

Barlyq úmitkerler daýystardyń shekti 5%-yn jınady.

Al saılaýdan ótpegenderge saılaýǵa qatysýǵa tólegen salymyn eń tómengi jalaqy deńgeıin 5 ese, ıaǵnı 141420 teńge etip qaıtarady.

Aıta ketý kerek, munyń aldynda qalalyq Máslıhattan metsenat Erlan Stambekov, baıker Dmıtrıı Petrýhın, Almaty áýejaıynyń dırektory Aıbol Bekmuhametov ornyn bosatqan bolatyn.