Almaty máslıhatyna jańa hatshy saılandy

ALMATY. QazAqparat –«Nur Otan» partııasy Almaty qalalyq fılıaly tóraǵasynyń birinshi orynbasary Stanıslav Kankýrov VII shaqyrylym depýtattary máslıhatynyń hatshysy boldy, dep habarlaıdy QazAqparat tilshisi.

Onyń kandıdatýrasyn Almaty qalasynyń ákimi Baqytjan Saǵyntaev VII shaqyrylǵan máslıhat depýtattarynyń birinshi sessııasy kezinde usyndy.

«Stanıslav Kankýrovty bárińiz jaqsy bilesizder. Ol «Nur Otan» partııasynda 2011 jyldan beri jumys isteıdi jáne aýdannan qalalyq deńgeıge deıingi barlyq satylardan ótti. Ol memlekettik tildi erkin meńgergen. Onyń halyqpen jumys isteý tájirıbesi men uıymdastyrýshylyq qabileti Almaty qalasy máslıhatyn basqarý kezinde úlken suranysqa ıe bolady dep oılaımyn», - dedi ákim.

Máslıhat depýtattary biraýyzdan daýys berdi.