Almaty máslıhaty metro stansasynyń qurylysyna qosymsha 1 mlrd teńge bóletin boldy
ALMATY. QazAqparat - Almaty máslıhatynyń kezekti sessııasynda qala bıýdjeti qaıta qaralyp, únemdelgen qarajatty metro qurylysy men jolaýshylar tasymaly salasyna bólý týraly sheshim shyqty, dep habarlaıdy QazAqparat tilshisi.
«Jol jáne kólik ınfraqurylymyn damytýǵa 4,4 mlrd teńge qosymsha bólinedi. Bul qarjynyń 2,2 mlrd teńgesi ishki áleýmettik mańyzy bar avtobýs tasymalyna jumsalady. Sonymen qatar, «Dostyq» pen «Saryarqa» metro stansalarynyń qurylysyn aıaqtaýǵa jergilikti bıýdjetten 1 mlrd teńge qosymsha qarastyrylady», - dedi qalalyq Ekonomıka jáne bıýdjettik josparlaý basqarmasynyń basshysy Іlııas Óserov.
Áleýmettik turǵydan qorǵalatyn azamattardyń metroda júrýine qosymsha 521,7 mln teńge qarastyrylady. Sonymen qatar, Úlken Almaty aınalma joly qurylysy jalǵasatyn bolady.
Sessııaǵa qatysqan depýtattar bıýdjet naqtylaýyn biraýyzdan qoldady.
Osylaısha Almaty bıýdjeti 537,5 mlrd teńge bolmaq. Onyń ishinde naqty bıýdjet - 434,6 mlrd teńge.
