Almaty máslıhaty Armanjan Baıtasovtyń depýtattyq ókilettigin toqtatty

ALMATY. QazAqparat - Almaty máslıhatynyń sessııasynda depýtat Armanjan Baıtasovtyń ókilettigi toqtatyldy, dep habarlaıdy QazAqparat tilshisi.

Almaty qalasynyń máslıhaty málimdegendeı, depýtattyń ókilettigi onyń jeke ótinishi negizinde toqtatylǵan.

Bul sheshimdi Armanjan Merekeuly elimizdiń jáne shekaralas memleketterdiń aýmaǵynda júzege asyrylatyn aýqymdy medıajobany iske asyrýmen túsindirdi.

Armanjan Baıtasov «Nur Otan» partııasynyń mandaty boıynsha saılanǵandyqtan, partııanyń qalalyq fılıaly bıýrosynyń sheshimimen belgili qurylysshy, Qazaqstan Qurylys salasy odaǵynyń basqarma tóraǵasy Eraly Saýranbaev Armanjan Baıtasovtyń ornyna máslıhat depýtaty bolyp saılandy.

Máslıhattyń kásipkerlikti, ınnovatsııalardy, aqparattyq tehnologııalardy jáne kreatıvti ındýstrııany damytý jónindegi turaqty komıssııasynyń tóraǵasy bolyp depýtat Qaırat Qudaıbergen saılandy.