Almaty Marathon-2025 rekord jańartty

ALMATY. KAZINFORM – Ortalyq Azııadaǵy eń iri júgirý sharasyna 16 149 adam qatysty. Bul týraly Almaty qalasy ákimdiginiń baspasóz qyzmeti habarlady. 

Olardyń ishinde 60 elden kelgen 1 383 sheteldik jelaıaq bar. Bul marafonnyń 14 jyldyq tarıhyndaǵy jańa rekord. Qatysýshylardyń basym bóligi –almatylyqtar (14 785 adam). Degenmen jyl saıyn ózge óńirler men shetelden keletin sportshylardyń úlesi artyp keledi. Shetelden kelip qatysqan úzdik úshtik: Reseı (513 adam), Qyrǵyzstan (180 adam), Qytaı (142 adam).

«Birinshi bolý – batyldyq» qorynyń málimetinshe, marafon ekonomıkaǵa serpin beredi: qonaqtardyń 79%-y Almatyǵa qaıta kelýdi josparlap otyr.

Almaty Marathon ótkizilgen jyldar ishinde seriktesterdiń salyq túsimi shamamen úsh esege jýyq ósti. Qalada jańa shaǵyn jáne orta bıznes nysandary ashylyp, jumys oryndary quryldy. 

Aıta ketelik Almaty áýejaıyna áıgili ıspandyq «Real Madrıd» fýtbol klýbynyń oıynshylary kelgen edi.