Almaty marafonynyń jeńimpazdary anyqtaldy
ALMATY. QazAqparat - Almaty marafonynyń jeńimpazdary anyqtaldy, dep habarlaıdy QazAqparat.
Jarys Ortalyq stadıon janynda máresine jetti jáne jeńimpazdardy marapattaý rásimi de osynda júrgizildi. Marafondyq qashyqtyqtyń absolıýttik jeńimpazdary Nıkolaı Grıgorov (Reseı, Barnaýyl) pen Polına Repına (Qazaqstan) atandy, olarǵa 350 myń teńge syıaqy berildi.
Nıkolaıdyń máre syzyǵyn kesip ótken ýaqyty - 2 saǵat 30 mınýt 9 sekýnd, Polına qashyqtyqty 3 saǵat 16 mınýt 11 sekýndta júgirip ótti. Ekinshi jáne úshinshi orynǵa erler arasynan óskemendik Ámir Baıtoqanov pen elordalyq Aıdyn Hasen turaqtady. Marafondyq qashyqtyqty júgirip ótken áıelder arasynda ekinshi orynda Alena Ývarova (Almaty), úshinshi bolyp - Marııa Kıreeva (Semeı) keldi.
Barlyq qatysýshy estelik medaldaryna ıe boldy, al jeńimpazdar júlde medaldarymen, marapat qaǵazy jáne seriktesterdiń usynǵan syılyqtaryna ıe boldy.
Eske sala ketsek, búgin Almaty marafonyna 13 myńǵa jýyq adam qatysty. Osy jónnidegi fotoreportajdy myna materıaldan kóre alasyzdar. 
