Almaty marafonynyń Jazǵy júgirý jarysyna tirkeý bastaldy
ALMATY. QazAqparat - Almaty marafonynyń Jazǵy júgirý jarysyna tirkeý bastaldy. Bul týraly búgin Almaty marafonynyń uıymdastyrý komıtetinen habarlady.
Jazǵy júgirý jarysy aldaǵy 16 shildede Baým toǵaıynda bolady.
«Aralyq júgirýler - jyl boıy salamatty ómir saltyn dáripteıtin mańyzdy daıyndyq sharalary. Solardyń ishinde Jazǵy júgirý - Almaty marafonynan keıingi eń iri júgirý alańy. Oǵan tirkelý búgin bastaldy. Jarys Baým toǵaıynda ótedi. Bul joly úsh qashyqtyqty usynyp otyrmyz. Olar: balalar úshin - 2 shaqyrym, al eresekterge - 7,5 jáne - 15 shaqyrym. Baým toǵaıynyń joldary asa keń emes. Sondyqtan tirkelýdi 10 shildede nemese 700 qatysýshyny jınaǵanda jabamyz», - dedi Almaty marafonynyń atqarýshy dırektory Saltanat Qazybaeva.
Esterińizge sala keteıik, Jazǵy júgirý - bul júgirýge áýesqoılardy Almaty marafonyna baıyppen daıyndaıtyn úsh - aralyq júgirýdiń alǵashqysy.
https://www.almaty-marathon.kz/ru/zabeg/ siltemesi boıynsha júgirý baǵytymen tanysyp, tirkelýge bolady.
