Almaty marafonyna tirkelý bir aptadan keıin aıaqtalady
ALMATY. QazAqparat - Osy aptada 5-shi Almaty marafonyna onlaın-tirkeý aıaqtalady. Bul týraly búgin uıymdastyrýshy komıtetten habarlady.
«Onlaın-tirkeýdiń aıaqtalýyna bary-joǵy jeti kún qaldy. Ol ótken jyldyń tamyz aıynda bastalǵan edi. Eń kóp adam tirkelgen kezeń naýryz aıynyń sońy men sáýir aıynyń basyna týra keldi. Demek, qatysýshylar uzaq merzimdi josparlaýǵa áli de bolsa daıyn emes degen sóz. Endi, budan keıin qatysýshylar erte bastan tirkeledi degen úmittemiz», - dedi osyǵan oraı uıymdastyrý komıtetiniń dırektory Saltanat Qazybaeva.
Aıta ketelik, qatysýshylar sórelik nómirlerin 22 jáne 23 sáýirde saǵat 10.00-den 20.00-ge deıin, Seıfýllın dańǵyly boıyndaǵy Mega Park kesheni aýmaǵynda ótetin Sport jármeńkesi barysynda ala alady.
Uıymdastyrýshylar jármeńkege kelgen barlyq júgirýshiler úshin birqatar qyzyqty sharalar daıyndap qoıdy. Olarǵa qatysý tegin.
Al Almaty marafony 24 sáýirde ótedi.
Oǵan 20 myńdaı adam qatysady dep kútilýde.
