«Almaty marafony»: Qatysýshynyń densaýlyǵyna qaýip tónbeý úshin ne isteý kerek
ALMATY. QazAqparat - «Almaty marafony» dırektory Saltanat Qazybaeva QazAqparat tilshisine dúbirli dodada qatysýshylardyń densaýlyǵyn qalaı qadaǵalaýǵa bolatynyn aıtyp berdi.
Mundaı qaıǵyly oqıǵa qazanda Almatydaǵy alǵashqy jartylaı marafonda bolǵan edi. 18 jastaǵy Maksım Korolev Abaı kóshesinde márege 1 oram qalǵanda qaıtys boldy. Jas jigit Sankt-Peterbor gýmanıtarlyq kásipodaqtar ýnıversıtetiniń Almatydaǵy fılıalynyń stýdenti bolǵan.
«QR zańnamasy boıynsha qatysýshylardyń barlyǵynan densaýlyǵy týraly anyqtama talap etip otyrýǵa quqyǵymyz joq. Eger ol anyqtamany ákelmese, qatysýǵa tyıym salýǵa da bolmaıdy. Bul jaǵdaıda bizdiń ózimizdiń ishki tártipte reglament belgileýimizge bolady. Biraq, bunyń da teris tustary bar. Adamdar qaı jolmen bolsyn anyqtama alýǵa tyrysatyn bolady. Sondyqtan, biz negizgi basymdyqty aqparattyq jaǵyna beremiz», - dedi Saltanat Qazybaeva.
Uıymdastyrýshylar osy maqsatta saıtqa júgirýge daıyndyq týraly vıdeo ornalastyrǵan.
«Jaqyn arada biz Almaty marafonyna jattyǵý josparyn jarııalaımyz. Ol josparda qaı jerde medıtsınalyq tekserilýden ótý kerektigi kórsetiledi. Osy oraıda adamdarǵa aqparattyq baǵyt bergen óte qolaıly. Sonda ǵana azamattar óz densaýlyǵyna jaýapkershilikpen qaraı bastaıdy», - dedi ol.
Mamandar kez kelgen jarysqa shyqpas buryn adam densaýlyǵyn tekserý óte mańyzdy dep sanaıdy.
«Men ózim áýesqoı sportshymyn. Ár 3-4 aı saıyn júrek EHKG, ÝZD tekserilýlerin ótip turamyn. Jolǵa senimdi bolyp shyǵý úshin bul kórsetkishter óte kerek», - dedi S.Qazybaeva.
Aıta ketý kerek, Almaty marafonynyń qatysýshylary jyl saıyn artyp keledi. 2018 jyly 14 myń qatysýshy bolsa, 2019 jyly uıymdastyrýshylar 17 myń adamdy qabyldaýǵa daıyn.
