Almaty mańyndaǵy joldarda «Avtoýragan» kesheni qaıta iske qosyldy
Bıylǵy toǵyz aıdyń qorytyndysy boıynsha Almaty oblysynda jol-kólik oqıǵasynyń sany 12,0%, ólimmen aıaqtalǵan jol apaty - 19,9%, jaraqat alǵandar sany 11,4% azaıyp otyr.
«Jol qaýipsizdigin qamtamasyz etý maqsatynda aldyn alý sharalary qabyldandy. Atap aıtqanda, patrýldeý baǵyttary qaıta qaralyp, olardyń qashyqtyǵy jartysyna deıin qysqartyldy. Sonyń nátıjesinde narıadtardyń tyǵyzdyǵy eki esege artty. Qozǵalys barynsha qarqyndy Almaty qalasynyń mańyndaǵy avtojoldarda 10 «Avtoýragan« avtomattandyrylǵan baǵdarlamalyq kesheniniń jumysy qalpyna keltirildi. Búginde oblys boıynsha 26 keshen jumys isteıdi. Sonymen qatar, tehnıkalyq quraldarmen anyqtalǵan quqyq buzý sany 17 myńnan 127 myńǵa deıin ósti. Olardyń jumysynyń tıimdiligi eskerile otyryp, bıyl apatty-qaýipti ýchaskelerde taǵy 20 beket ornatylady. «MESTA FUSION» frantsýz óndirisiniń 60 baǵdarlamalyq kesheni Almaty – Taldyqorǵan avtojolynda memlekettik-jekeshelik seriktestik tártibimen ornatylatyn bolady»,- deıdi Almaty oblysy polıtsııa departamentiniń bastyǵy, polıtsııa general-maıory Serik Kúdebaev.
Respýblıkalyq mańyzy bar joldarda, jaıaý júrginshiler ótkelderi men burylystarda 4 myń 700 jaryq shaǵylystyrǵysh katafot, dóńgelekti soqpaq brýstarda - 5 myń 600 «Kedergini aınalyp ótý» jol belgileri ornatyldy.
«Almaty-Qapshaǵaı» beton avtojolynda qysqy kezeńde shınalardyń jolǵa ilinýin jaqsartýǵa múmkindik beretin emýlsııaly-mıneraldy qospa jabyny tóselgen.
«Almaty-Talǵar-Báıdibek bı» avtojolynyń kólik júretin bóligi keńeıtildi.
«Sonymen qatar, bilim obektileriniń janyndaǵy 258 ýchaskede aq-sary tústi gammada jol tańbasy salynyp, 25 ýchaskede jasandy jol kedergisi ornatyldy. Bir jerústi jaıaý júrginshiler ótkeliniń qurylysy aıaqtaldy (Qarasaı aýdanyndaǵy Shamalǵan stantsııasynda), taǵy ekeýi kelesi jyly Eńbekshiqazaq jáne Іle aýdandarynda aıaqtalady. Sondaı-aq, respýblıkalyq trassalarda jóndeý jumystary júrgizilip, jyldamdyq ólshegishter men «Krıs-P» keshenin paıdalaný jandandyryldy»,-dep tolyqtyrdy general-maıor Kúdebaev.