Almaty mańyndaǵy ushaq apatynan zardap shekken 2 adam jansaqtaý bóliminde jatyr
ALMATY. QazAqparat – Almaty áýejaınyń mańynda ushaqtyń apatqa ushyraýynan zardap shekken 2 adam Almaty qalasyndaǵy №4 qaalyq klınıkalyq aýrýhanaǵa jetkizildi, dep habarlaıdy QazAqparat tilshisi.
Almaty qalasy Tótenshe jaǵdaılar departamenti ushaq apatynan zardap shekken 2 adam Almatydaǵy №4 qalalyq klınıkalyq aýrýhanaǵa jetkizilgenin habarlady. Ekeýi de jansaqtaý bóliminde jatyr.
Buǵan deıin olar Іle aýdandyq aýrýhanasyna jetkizilgeni týraly jazylǵan bolatyn.
Eske sala ketsek, búgin Almaty áýejaıy mańynda áskerı ushaq apatqa ushyrady.
«Búgin 17:20-da Nur-Sultan-Almaty» baǵytynda ushyp shyqqan UQK áýe qyzmetiniń AN-26 ushaǵy apatqa ushyrady. Birden dabyl qaǵyldy. Oqıǵa ornyna apattyq qutqarý jasaǵy shuǵyl attandy. Aldyn ala taralǵan aqparatqa sáıkes, bort ushý qoný jolaǵynyń bas jaǵynda qulaǵan», - dedi áýejaıdyń baspasóz qyzmeti.
