Almaty mańyndaǵy ushaq apatynan bilikti dáriger kóz jumdy
«Qazaqstan medıtsınasy aýyr qaıǵyny basynan ótkerýde. Áriptesimiz, akýsher-gınekolog Arman Isına qaza tapty. Ol Qazaqstandaǵy Aýrýlardy basqarý baǵdarlamasyn engizý boıynsha ulttyq jattyqtyrýshy bolatyn. Medıtsınalyq-sanıtarııalyq alǵashqy kómek mamandaryna sozylmaly ınfektsııalyq emes aýrýǵa shaldyqqan patsıentterdi halyqaralyq talaptarǵa sáıkes emdeý tásilderin úıretip júrgen edi», - dep jazdy ol.
Mınıstr dereginshe, Arman Isına Qaraǵandy memlekettik medıtsına ınstıtýtyn bitirgen. Elimizdegi ártúrli densaýlyq saqtaý uıymdarynda, atap aıtqanda Densaýlyq saqtaý mınıstrliginde jáne halyqaralyq densaýlyq saqtaý uıymdarynda jumys istedi.
«Bul barlyǵymyz úshin, ásirese, áriptesimizdiń otbasy úshin óte aýyr jáne orny tolmas qaıǵy. Elimizdegi búkil dárigerdiń atynan Arman Isınanyń týǵan-týystary men jaqyndaryna qaıǵyryp kóńil aıtamyn», - dedi Eljan Birtanov.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
foto: facebook.com/photo