Almaty mańyndaǵy ushaq apaty: Dáriger zardap shekkenderdiń jaǵdaıy týraly aıtty
ALMATY. QazAqparat - Almatydaǵy №4 qalalyq klınıkalyq aýrýhanasynyń bas dárigeri Saǵı Beısenbekov áýe apatynda zardap shekken Ulttyq qaýipsizdik qyzmeti qyzmetkerleriniń jaǵdaıy týraly aıtty, dep habarlaıdy QazAqparat tilshisi.
«Almatyda ushaq apatynan zardap shekken eki azamattyń jaǵdaıy aýyr, biraq turaqty. Reanımatsııa jaǵdaıynda baqylaýda. Ekeýi de esin jıdy»,- deıdi Saǵı Beısenbekov.
Eske sala keteıik, 13 naýryz kúni Nur-Sultan-Almaty baǵytyndaǵy AN-26 áskerı ushaǵy radardan joǵalyp ketip, Almaty áýejaıy mańynda apatqa ushyraǵan edi.
Ushaqta bolǵan 4 adam qaza tapty, 2 adam túrli jaraqatpen Almaty qalasynyń №4 qalalyq klınıkalyq aýrýhanasyna jetkizildi.
Keıinnen Almaty dárigerleri ushaq apatynan japa shekken eki adamnyń densaýlyǵy qalaı ekenin aıtty.
Ushaq apaty bolǵan jerge qala ákimi Baqytjan Saǵyntaev baryp, quzyrly organ ókilderine zardap shekkenderge barynsha kómek kórsetýdi tapsyrdy.
Sonymen qatar, Memleket basshysy áýe apatynyń sebepterin anyqtaýdy tapsyrǵan bolatyn.
Qazaqstan Respýblıkasy Ulttyq qaýipsizdik komıteti Almatyda apatqa ushyraǵan ushaqtyń qara jáshigindegi derekter tekserilip jatqandyǵyn málim etti.
