Almaty mańyndaǵy ushaq apaty: 47 adam aýrýhanada jatyr
«Ushaq apatynan qaıtys bolǵan adamdardyń otbasy men týystaryna qaıǵyryp kóńil aıtamyn. Zardap shekkenderge jedel medıtsınalyq kómek kórsetý úshin Almaty qalasy men Almaty oblysynyń 86 brıgada jumyldyryldy.103-ke alǵashqy qońyraý tańǵy 07:43-te tústi. Jedel járdem oqıǵa ornyna 15 mınýtta jetti. Barlyǵy 67 adam jaraqat aldy, onyń 49-y aýrýhanaǵa jatqyzyldy. Arasynda 9 bala bar. 5 adam tekserýden keıin ambýlatorııalyq emdeýge jiberildi. 12 adam qaıtys boldy. 8 adam - oqıǵa ornynda, taǵy ekeýi tasymaldaý kezinde jáne 2 eresek adam alǵan jaraqatynan kóz jumdy», - dedi Qamaljan Nádirov.
Onyń aıtýynsha, qazir aýrýhanada 47 adam jatyr. 8-niń jaǵdaıy óte aýyr, 38 - ortasha aýyr, bireýiniń hali - ortasha.
10 eresek jáne 2 balaǵa ota jasaldy. Zardap shekkender birneshe medıtsınalyq mekemege jetkizildi.
6 naýqas Almaty kópsalaly klınıkalyq aýrýhanasyna jetkizildi, onyń bireýi tekserýden keıin ambýlatorlyq emdeýge jiberildi. 5 naýqastyń jaǵdaıy aýyr, turaqty dep baǵalanyp otyr.
Balalarǵa arnalǵan jedel medıtsınalyq kómek kórsetý ortalyǵyna túrli jaraqatpen 9 bala tústi. Qazirgi ýaqytta jeteýiniń jaǵdaıy - aýyr, turaqty, ekeýiniki - ortasha aýyr. 2 balaǵa ota sátti jasaldy. Ómirine qaýip tónip turǵan joq.
Jedel shuǵyl kómek kórsetý aýrýhanasyna 14 adam jetkizildi.Onyń ekeýi dárigerlerdiń tekserýinen keıin ambýlatorııalyq emdeýge jiberildi, 12 naýqastyń jaǵdaıy ortasha dep baǵalandy.
