Almaty mańyndaǵy Úlken Almaty shatqalynda qoldan qar kóshkini jasaldy
ALMATY. QazAqparat - Búgin Almaty qalasy mańyndaǵy Úlken Almaty shatqalynda aldyn alý maqsatynda qoldan qar kóshkini jasaldy. Bul týraly búgin Almaty qalalyq TJD-nyń resmı ókili Sandýǵash Baımuhanbetova habarlady.
«4 aqpanda saǵat 12.20-da Almaty qalalyq TJ departamenti Úlken Almaty ózeniniń basseınine qarasty, Úlken Almaty kóli - Kosmostansa jolyndaǵy № 18-shi qar jınaǵysh aýmaǵynda aldyn alý maqsatynda qar kóshirý sharasyna qatysty», - dedi S.Baımuhanbetova.
13 zarıadtyń kúshimen 1 jarylys jasaldy. Sonyń saldarynan kólemi 1000 tekshe metrdi quraıtyn qar kóshkini boldy. Ol joldyń 80 metrlik bóligin jaýyp tastady. Qurban bolǵandar jáne zardap shekkender joq.
Joldy qardan tazartýǵa «Qazseldenqorǵaý» memlekettik mekemesiniń 1 tehnıkasy jumyldyryldy.
Al qar kóshirý jumysyna Almaty qalalyq TJD tarapynan - 2 adam, «Qazseldenqorǵaý» memlekettik mekemesi tarpynan - 15 adam, 3 tehnıka, «Apat medıtsınasy ortalyǵy» memlekettik mekemesi tarapynan - 3 adam, 1 tehnıka, «Respýblıkalyq jedel-qutqarý otrıady» memlekettik mekemesi tarapynan - 6 adam, 1 ıt, 1 tehnıka, «Nartas» JShS tarapynan - 6 jarǵysh maman, 2 tehnıka, Almaty qalalyq ІІD tarapynan - 5 adam jáne 2 tehnıka jumyldyryldy.
