Almaty mańyndaǵy taýly kýrorttar arqanjolmen baılanystyrylady
Almaty óńiri biregeı tabıǵı destınatsııany usyna alatynyna toqtalǵan mınıstr, osyǵan baılanysty atalǵan óńirdegi taýly klaster týrızmdi damytýdyń negizgi draıveri retinde tańdalǵanyn atap ótti.
A. Muhamedıulynyń sózine qaraǵanda, klasterdi jańǵyrtý úshin eń tıimdi qarjylyq model iske qosylady.
«Almaty óńirin óte jaqsy bilesizder. Atalǵan aýmaq taý shańǵysy salasyn damytýdyń eń iri ortalyqtarynyń biri bola alady. Sebebi qazirgi kezde bizde Shymbulaq, Tabaǵanda taý shańǵysy klasteri, sondaı-aq ózge de nysandar bar. Eger de biz birinshi kezeńde olardy ózara arqanjolmen baılanystyrsaq, onda taý shańǵysy jelisiniń ınfraqurylymy paıda bolady. Osy oraıda qysqy demalys túrlerinen bólek, jazǵy kezde jaıaý júrý, atpen jáne velosıpedpen serýendeý baǵyttaryn damyta alamyz. Búginde júzdegen adam taýly týrızmdi ózderi ıgerip jatyr. Bizge tek olardy ınfraqurylymmen baılanystyrý kerek. Máselen, Aqbulaqtan arqanjolmen Shymbulaqqa emin-erkin jetýge bolady. Odan ary qaraı arqanjoldy Qaskeleńge jáne Túrgenge deıin tartý qajet», - dedi A. Muhamedıuly.
Budan buryn habarlanǵandaı, Parlament Májilisinde týrıstik salany damytýǵa arnalǵan Úkimet saǵatynda Mádenıet jáne sport mınıstri Arystanbek Muhamedıuly elektrondyq vıza tetigi qashan engiziletinin aıtty.
Sondaı-aq QR Investıtsııalar jáne damý vıtse-mınıstri Tımýr Toqtabaev keler jyly avıabıletter arzandaýy múmkindigin málim etti.
