Almaty mańyndaǵy taýlarda órt tutandy
QONAEV. QazAqparat – Almaty oblysy Qarasaı aýdanyna qarasty Kóklaısaı saıajaı okrýgi mańynda qýraǵan shóp órtendi, dep habarlaıdy QazAqparat tilshisi.
Saıajaı okrýgi mańyndaǵy shóptiń janýy týraly habarlama 17 qazan, saǵat 10:00-de Almaty oblysy TJD kezekshi bóliminiń pýltine túsken.
Oqıǵa ornyna dereý departamenttiń 12 qyzmetkeri men úsh tehnıkasy, sondaı-aq Іle-Alataý ulttyq tabıǵı parkiniń 20 qyzmetkeri men tórt tehnıkasy jiberildi.
«Oqıǵa ornyna (órt sóndirý bóliminen 30 shaqyrym) saǵat 10:39-da jetken kezde taýdyń baýraıynda shamamen 10 gektar aýmaqta shóptiń janyp jatqany anyqtaldy. Eldi mekenderge qaýip joq. Kóklaısaı saıajaı okrýginiń mańynda órtti sóndirý jumystary jalǵasyp jatyr», - dep habarlady Almaty oblysy TJD baspasóz qyzmeti.
