Almaty mańyndaǵy taý bókterleriniń 37 gektar jerine aǵash otyrǵyzylady
ALMATY. QazAqparat - Almatyda 2011 jyly surapyl daýyldyń saldarynan taý bókterlerinde kóptegen aǵashtardyń japyrylyp qulap qalýyna baılanysty, bıyl onda 37 gektar jerge aǵash otyrǵyzylady. Bul týraly búgin Іle-Alataý ulttyq tabıǵı saıabaǵynyń dırektory Marlen Aınabekov málimdedi.
Onyń aıtýynsha, 2011 jyldan kúni búginge deıin taý baýraılaryndaǵy 464 gektar jer qulaǵan aǵashtardan tazartylǵan.
«Bıyl 37 gektar jerge aǵash otyrǵyzýdy josparlap otyrmyz. Taý bókterlerinen jalpy kólemi 100 myń tekshe metr bolatyn orman aǵashtary shyǵaryldy. 2012 jyly 43,5 gektarǵa aǵash otyrǵyzǵan bolatynbyz. Al jalpy, 2015 jylǵa deıin 122,5 gektarǵa aǵash otyrǵyzý kózdelgen. Osy jáne basqa da ormandy qalpyna keltirý jumystaryna 87 mln. teńge, al ormandy qorǵaý sharalaryna 35 mln. teńge bólingen»6 - dedi ulttyq saıabaqtyń dırektory.
Odan basqa, M. Aınabekov bıyl ádettegideı jylsaıynǵy «Saıabaqtar sherýi-2015» tabıǵatty qorǵaý baǵdarlamasy qolǵa alynatyndyǵyn aıtty. Osy shara aıasynda saıabaqtyń aýmaǵy qoqystardan tazartylyp, ártúrli aǵash kóshetteri otyrǵyzylatyn bolady. Sonymen qatar aldaǵy 19 sáýirde Mohnatka taýynda «Óz aǵashyńdy otyrǵyz» aktsııasy ótedi.
