Almaty mańyndaǵy Talǵar shatqalynda polshalyq týrıstiń múrdesi tabyldy
ALMATY. QazAqparat- Almaty mańyndaǵy Talǵar shatqalynda polshalyq týrıstiń múrdesi tabyldy. Bul týraly Almaty q. TJD resmı ókili Sandýǵash Baımuhanbetova habarlady.
«2016 jyldyń 26 qańtarynda tańerteń 09 saǵat 20 mınýtta QR ІІM Tótenshe jaǵdaılar Komıtetiniń Respýblıkalyq jedel-qutqarý jasaǵynyń qyzmetkerleri Talǵar shatqalynyń sol jaq bókterinen joǵalyp ketken polshalyq azamattyń múrdesin tapty. Aldyn ala málimet boıynsha ol qatty tońýdyń saldarynan kóz jumǵan. Jasaq qyzmetkerleri qazir týrıstiń múrdesin «Kaspıı alańqaıy» dep atalatyn tikushaq qonatyn alańǵa alyp kele jatyr. Ony medıtsınalyq mekemege jetkizý úshin «Qazáýequtqarý» AQ tikushaǵy iske qosyldy», - dedi S. Baımuhanbetova.
Aıta ketelik, 25 qańtarǵa qaraǵan túni saǵat 02:25-te polshalyq týrıstiń 24 qańtar kúni tańerteń saǵat 10:17-de «Shymbulaq» taý-shańǵyly shıpajaıynyń mańyna serýendeýge shyǵyp, qaıta oralmaǵany jóninde aqparat kelip túsken bolatyn. Ol naqty qaıda baratyndyǵyn aıtpaǵan. Ony izdeýge QR ІІM Tótenshe jaǵdaılar Komıtetiniń Respýblıkalyq jedel-qutqarý jasaǵynyń 19 qutqarýshysy, 1 tehnıkasy jáne 1 kınologııalyq top jumyldyryldy. Sondaı-aq, Almaty qalasynyń qutqarý qyzmeti jeke quramynyń 12 adamy men 5 tehnıkasy jáne «Shymbulaq» taý-shańǵy shıpajaıynyń 4 qutqarýshysy izdeý-qutqarý jumystaryna kirisken bolatyn.
