Almaty mańyndaǵy taǵy bir saýda ortalyǵyna «jarylǵysh zat» qoıyldy

ALMATY. QazAqparat- Almaty mańynda ornalasqan «Aport Mall» saýda ortalyǵynan adamdar evakýatsııalanyp jatyr, dep habarlaıdy QazAqparat tilshisi.

«Búgin elektrondy poshta arqyly «Aport Mall» saýda oıyn-saýyq ortalyǵyna jarlǵysh zat qoıyldy» degen habarlama keldi. Barlyq jedel qyzmetter sol jerde. Osyǵan baılanysty biz saýda ortalyǵynyń barlyq kelýshisinen tótenshe jaǵdaılar qyzmetine ortalyqty tekserýge kedergi keltirmeýin jáne dúrbeleń týǵyzbaýyn suraımyz «, - dep habarlady Almaty oblysy Qarasaı aýdanynyń ákimdigi.

Sondaı-aq, Almaty polıtsııasy ál-Farabı dańǵylyndaǵy «VILLA Boutiques & Restaurants keshenine bomba qoıylǵandyǵy» týraly habarlamany tekserip jatyr.

Buǵan deıin, áleýmettik jelide Almatydaǵy «Mart» saýda jáne oıyn-saýyq ortalyqtarynyń birinde bomba qoıyldy» degen aqparat taraǵan bolatyn. Keıin tekserý aıaqtalǵany belgili boldy, nysanda jarylǵysh zat tabylǵan joq.