Almaty mańyndaǵy saıajaılarǵa bir táýlikte 1 myń kólik, 2 myń adam shyqty
ALMATY. QazAqparat – 29 sáýir kúni Almatydan qala syrtyndaǵy saıajaılarǵa barý úshin blokposttardan 1021 avtokólik jáne 2093 adam ótti. Bul týraly qalalyq Polıtsııa departamentinen málim etti, dep habarlaıdy QazAqparat.
«Blokposttarda jumys isteıtin qyzmetkerler árbir adamdy jeke-jeke tekserip ótkizdi. Týyndaǵan máselelerdi sol jerde sheship berýge tyrystyq. Qart adamdarǵa aýyr sómkeleri men kóshet salynǵan qoraptaryn tasymaldaýǵa kómektestik. Volonterlerdi jumyldyrdyq. Azamattardyń basym bóligi Pervomaı, Esik, Qaskeleń, Іle baǵytyndaǵy blokposttardan ótti», – dedi PD basshysynyń birinshi orynbasary Nurlan Almasbekov.
Buǵan deıin saıajaıǵa shyqqan almatylyqtar kólik keptelisine tap bolǵanyn jazǵan bolatynbyz.
Eske salaıyq, Almatyda karantın rejımi jeńildetilip, turǵyndarǵa balalarymen aýlada oınaýǵa jáne qala syrtyndaǵy saıajaılarǵa barýǵa ruqsat etildi.
Osy rette, qala ákiminiń birinishi orynbasary Erlan Qojaǵapanov almatylyqtardy sanıtarlyq talaptardy saqtaýǵa shaqyrdy.
«Eń aldymen, saıajaıǵa baratyn adamnyń qolynda menshigin rastaıtyn zańdy qujaty bolýy kerek. Budan bólek, ózin qosqanda úsh adam ǵana barýǵa rqósat. Mindetti túrde medıtsınalyq maska taǵyp, qolynda antıseptık bolýy shart. Sondaı-aq, asa qajettilik bolmasa saıajaı aýmaǵynan shyǵýǵa bolmaıdy. Qonaq shaqyrýǵa tyıym salynady»,– dedi Erlan Qojaǵapanov.
Sondaı-aq, aýlada jáne saıajaıǵa barǵanda qandaı erejelerdi ustaný kerektigi habarlandy.
