Almaty mańyndaǵy saýda ortalyǵynan adamdar evakýatsııalandy

ALMATY. QazAqparat - Almaty mańyndaǵy iri saýda oıyn-saýyq ortalyǵyna «bomba qoıylǵany» týraly habarlama túsken, dep habarlaıdy QazAqparat tilshisi.

Almaty oblystyq polıtsııa departamentiniń baspasóz qyzmeti «Aport» saýda ortalyǵyna jarylǵysh zat qoıylǵany» týraly habarlama túskenin rastady.

Oqıǵa ornynda polıtsııa men mamandandyrylǵan qyzmetter jumys istep jatyr.

«Atalǵan fakti boıynsha QR QK-niń 273-babymen sotqa deıingi tergeý amaldary bastaldy. Qazirgi ýaqytta saperlar ǵımaratta jarylǵysh zattardyń bar-joǵyn tekserip jatyr. Sondaı- aq, bomba týraly habarlaǵan adamdardy anyqtaý boıynsha is-sharalar júrgizile bastady», - dedi Almaty oblysy polıtsııa departamentiniń bastyǵy, polıtsııa polkovnıgi Baýyrjan Álenov.