Almaty mańyndaǵy polıgonnan shyqqan órt ekinshi kún sóndirilip jatyr
ALMATY. QazAqparat – Almaty oblysy Tótenshe jaǵdaı departamentiniń órt sóndirýshileri polıgonan shyqqan órtpen eki kún boıy arpalysyp jatyr, dep habarlaıdy QazAqparat tilshisi.
Tótenshe jaǵdaı departamentiniń málimetinshe, búgingi kúnge deıin órtenip jatqan polıgonǵa 500 tonnadan astam sý men topyraq sebildi.
«Órtti sóndirý jumystary jalǵasýda. Qazirgi ýaqytta ashyq ot pen qalyń tútin joq, byqsyp jatyr. Mı-8 tikushaǵy 39 ret kókke kóterilip,17tonna sý shashty. Órt sóndirýshilermen 168 tonna sý quıyldy, 255 tonna topyraq sebildi. Qoqys qaldyqtarynyń byqsyp janýy 10-15 metr tereńdikte bolǵanydqtan ony aýyzdyqtaý qıyndyq týdyrýda «, - dep túsindirdi TJD .
Órtti sóndirýge Almaty oblysy Tótenshe jaǵdaılar departamenti, Іle aýdany ákimdigi, «ADK Taza Álem» JShS jáne «Alataý-Qus» zaýytynan 100-den astam adam men 30 dana tehnıka jumyldyryldy.
Oqıǵa ornynda jedel shtab quryldy, aýdan ákimdigi janar-jaǵarmaı jetkizý men órt sóndirýshilerge tamaq uıymdastyrdy. Qyzyl jalyn 3 ga jaıyldy, al polıgonnyń jalpy aýdany - 38 ga.
Eske salaıyq, Іle aýdanyndaǵy Almaty-Óskemen tas jolynyń (35 km) qoqys polıgonyna qatty qaldyqtardyń tutanǵany týraly habarlama 10 maýsymda saǵat 14.26-da oblystyq tótenshe jaǵdaılar basqarmasyna túsken bolatyn.
Keıin qoqys polıgonyndaǵy órtten Almaty-Qapshaǵaı trassasynda 8 kólik soqtyǵysty.
Sondaı–aq, órtti sóndirýge 3 tonna sý tasymaldaıtyn qurylǵysy bar MI-8 tikushaǵy qosyldy.
