Almaty mańyndaǵy eldimekenderge jańa avtobýs baǵyttary qajet – Memleket basshysy
ASTANA. QazAqparat - Prezıdent Qasym-Jomart Toqaevtyń Almaty qalasy jurtshylyǵymen kezdesýde qala mańyna qatynaıtyn qoǵamdyq kólikter máselesin kóterdi, dep habarlaıdy QazAqparat.
«Eki aımaq – Almaty men Almaty oblysy – ózara tyǵyz baılanysty. Aradaǵy barys-kelis mıgratsııasy Almatynyń jol-kólik jelisine úlken salmaq salady. Sondyqtan qala mańyna qatynaıtyn qoǵamdyq kólikti damytýǵa jiti kóńil bólgen jón», - dedi Qasym-Jomart Toqaev.
Sonymen birge Prezıdent qosymsha 50 eldi mekendi qamtıtyn jańa avtobýs baǵyttaryn iske qosý qajet ekenin aıtty.
«Jaqynda ǵana Almaty men Qonaev qalalary arasynda elektr poıyzynyń baǵyty qaıta jandandy. Indýstrııa jáne ınfraqurylymdyq damý mınıstrligine, Almaty men Almaty oblysynyń ákimdikteri qala mańyna qatynaıtyn temirjol baǵyttaryn ári qaraı yntalandyrý josparyn ázirleýi kerek. Almaty aglomeratsııasyn damytýdyń biryńǵaı kólik modelin qurýdy oılastyrý qajet», - dedi Prezıdent.
