Almaty mańyndaǵy áýe apatynan qaza tapqan Qyrǵyzstan azamattarynyń máıiti otanyna jetkizildi
ASTANA. QazAqparat - Almaty mańyndaǵy East Wing áýe kompanııasynyń An-28 ushaǵynyń apatqa ushyraýy saldarynan qaza tapqan Qyrǵyzstan azamattarynyń máıiti otanyna jetkizildi. Bul jaıly «Kabar» agenttigine QR SІM-iniń baspasóz qyzmeti málim etti.
Eske salaıyq, 3 qazan kúni Almaty-Shymkent baǵytynda sanıtarlyq avıareısin oryndaǵan «AN-28» ushaǵy saǵat 18:47-de Almatydan 28 shaqyrym qashyqtyqta radardan joǵalyp ketti. Artynsha saǵat 19.15-te ushaq Almaty oblysy Іle aýdanynyń Mejdýrechınsk aýyly mańynda apatqa ushyraǵany anyqtaldy.
Bortta bes adam: ekeýi Qyrǵyzstan azamattary - áýe kemesiniń komandıri G.Tsoı, bort tehnıgi B.Aqtambaev, sondaı-aq, Qazaqstan azamattary - ekinshi ushqysh E.Kýtafın jáne eki medıtsına qyzmetkeri T.Patsaev pen J.Artyqpaev bolǵan. Almatydaǵy Qyrǵyz Respýblıkasy bas konsýldyǵynyń málimetinshe, Qyrǵyzstan azamattaryn týysqandary tanyǵan. Bas konsýldyq tıisti qujattardy alýǵa kómek kórsetti.
Budan ózge zardap shekkenderdiń otbasylarynyń East Wing áýe kompanııasy ókilderimen kezdesýi uıymdastyrylyp, áýe kompanııasy qaza tapqan azamattardyń máıitin óz elderine jetkizýdiń bar shyǵynyn óz moınyna aldy. 4 qazan kúni keshkisin marqumdardyń máıiti salynǵan eki kólik Qyrǵyzstanǵa jolǵa shyqty.
