Almaty mańynda jolaýshylar avtobýsy iri jol apatyna ushyrady

ALMATY. QazAqparat - Qarasaı aýdanynda jolaýshylar avtobýsynyń tehnıkalyq aqaýy sebebinen iri jol apaty boldy, dep habarlaıdy QazAqparat tilshisi.

Almaty oblysynyń polıtsııa departamenti habarlaǵandaı, Almaty-Jandosov avtojoly boıynda LıAZ kóliginiń tejegishi isten shyqqan. Sonyń kesirinen avtobýs júrgizýshisi 8 avtokólikpen jáne 1 traktormen soqtyǵysqan.

«Jol apaty saldarynan avtobýsta bolǵan birneshe jolaýshy men júrgizýshi Qaskeleń aýrýhanasyna jetkizildi. Oqıǵa ornynda patrýldik polıtsııa qyzmetkerleri men anyqtaýshylar jumys júrgizip jatyr. Tekserý nátıjeleri qosymsha habarlanady», - dep habarlady oblystyq PD baspasóz qyzmeti.

Jol apatynyń vıdeosy áleýmettik jelige shyqty.