Almaty mańynda ushaq apatynan zardap shekkender aýrýhanadan shyqty
ALMATY. QazAqparat – Áýe apatynan jaraqat alǵan UQK qyzmetkerleri aýrýhanadan shyǵaryldy. Bul týraly №4 qalalyq klınıkalyq aýrýhananyń bas dárigeri Saǵı Beısenbekov aıtty, dep habarlaıdy QazAqparat tilshisi.
«Eki áskerı qyzmetker de tolyq emdeýden ótkennen keıin №4 qalalyq klınıkalyq aýrýhananyń statsıonarynan qanaǵattanarlyq jaǵdaıda shyǵaryldy. Olar 95 kún em aldy», - dedi №4 qalalyq klınıkalyq aýrýhananyń bas dárigeri Saǵı Beısenbekov.
Eske sala keteıik, 13 naýryz kúni Nur-Sultan-Almaty baǵytynda kele jatqan AN-26 áskerı ushaǵy 17.22 kezinde radardan joǵalyp, qala áýejaıy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klınıkalyq aýrýhanasyna jetkizildi.
Keıinnen Almaty dárigerleri ushaq apatynan japa shekken eki adamnyń densaýlyǵy qalaı ekenin aıtty.
Ushaq apaty bolǵan jerge qala ákimi Baqytjan Saǵyntaev baryp, zardap shekkenderge barynsha kómek kórsetýdi mindettedi.
Sonymen qatar, Memleket basshysy áýe apatynyń sebepterin anyqtaýdy tapsyrǵan bolatyn.
Qazaqstan Respýblıkasy Ulttyq qaýipsizdik komıteti Almatyda apatqa ushyraǵan ushaqtyń qara jáshigindegi derekter tekserilip jatqanyn málim etti.
