Almaty mańynda kún jáne jel elektr stansalary iske qosyldy
ALMATY. QazAqparat - Qazaqstannyń energetıkalyq kesheni qaıta jańartylatyn energııa kóziniń eki obektisimen tolyqty, dep habarlaıdy QazAqparat «Samruq-Energo» AQ baspasóz qyzmetine silteme jasap.
Almatyda qýattylyǵy 1 MVt bolatyn kún elektr stansasy jáne qýaty 5 MVt bolatyn jel elektr stansasy iske qosyldy. Qos keshendi paıdalanýǵa berý rásimi «Innovatsııalyq tehnologııalar parki» arnaıy ekonomıkalyq aımaǵynda ótti.
Jel elektr stansasy Almaty oblysy Eńbekshiqazaq aýdany Nurly aýylynyń mańynda ornalasqan.
72-saǵattyq keshendi synaq pen baıqaý nátıjesinde kún jáne jel elektr stansalarynyń paıdalanýǵa tolyq daıyn ekeni belgili boldy.
Bıyl «Samuryq-Energo» kompanııasy qaıta jańartylatyn energııa kózderi boıynsha 2 jobany iske asyrdy: birinshisi - Qapshaǵaı qalasyndaǵy kún elektr stansasy, ekinshisi - Ereımentaý qalasyndaǵy jel elektr stansasy. Bıylǵy 10 aıdyń ózinde atalǵan qos obektide 134,4 mln kVt elektr qýaty óndirilgen.
