Almaty mańynda qoqys polıgony órtenip jatyr
Kýágerlerdiń aıtýynsha, jolǵa jaqyn ornalasqan kúl – qoqys polıgony órtenip jatyr.
Almaty oblystyq TJD málimetinshe, Іle aýdanyndaǵy qoqys polıgony janyp jatyr.
«2020 jylǵy 10 maýsymda saǵat 14:26-da Almaty oblysynyń TJD kezekshi pýltine Іle aýdanyndaǵy «Almaty-Óskemen» tas jolynyń janyndaǵy turmystyq qaldyqtar polıgonynyń janyp jatqany týraly habarlama tústi. Aldyn ala boljam boıynsha órt 3 ga jerdi sharpyǵan. Polıgonnyń jalpy aýdany - 38 ga. Soǵyp turǵan jelde órttiń taralýyna yqpal etýde. Qazirgi ýaqytta Almaty oblysynyń TJD 16 órt sóndirýshisi men 5 tehnıka jumyldyryldy. Sonymen qatar, «ADK Taza– Álem» JShS 30 jumysshy jáne 2 tehnıkasy kómekke keldi. Jergilikti atqarýshy organdardan 10 adam men sý tasıtyn 2 birlik tartyldy», - dep habarlady oblystyq TJD baspasóz qyzmeti.
Órt órshıtin bolsa, «Qazavıaspas» AQ tikushaǵy tartylady.