Almaty mańynda qarý-jaraq saqtalǵan taǵy bir oryn tabyldy

ALMATY. QazAqparat - Almaty mańynda taǵy bir qarý-jaraq saqtalǵan oryn tabyldy, dep habarlaıdy QazAqparat tilshisi.

Polıtsııa málimetinshe, qarý-jaraq qoımasy Almaty oblysy Qarasaı aýdany aýmaǵynan tabyldy.

5 qańtarǵa qaraǵan túni «Kamerad» qarý-jaraq dúkenin tonaýǵa qatysqan 29, 28, 26 jastaǵy úsh er adam ustaldy.

«Kúdiktiler úı janyndaǵy bos jatqan jerge 6 myltyq, vıntovka, patrondar, ańshylyq jınaǵy bar shabadan men rıýkzaktardy kómgen. Bul arsenaldyń barlyǵy ustalǵandardyń biriniń úıiniń aýlasyndaǵy qumǵa kómilgen. Kúdiktiler kinásin moıyndap, qylmysty qalaı jasaǵandaryn aıtyp berdi»,– dedi Almaty qalalyq Polıtsııa departamenti bastyǵynyń orynbasary Berik Ábilbekov.

Tergeýshiler olardyń osyǵan uqsas basqa da qylmystarǵa qatysy bar-joǵyn anyqtap jatyr.

Qylmystyq is QR QK-niń 291-baby 3-bólimi boıynsha tergelýde.

Kúdiktiler qamaýǵa alyndy.