Almaty mańynda er adamdy poıyz qaǵyp ketti
ALMATy. QazAqparat - Almaty mańynda er adamdy poıyz qaǵyp ketti. Qaıǵyly oqıǵa búgin Baıserke stansasynda bolǵan, dep habarlaıdy QazAqparat.
QR Kóliktegi ІІM baspasóz qyzmeti taratqan aqparatqa sáıkes, er adam temir jol relsterin ruqsat etilmegen jerden kesip ótip bara jatqan.
Sol kezde «Semeı-Qyzylorda» poıyzynyń mashınısi shuǵyl tejegishti bassa da, er adamdy qaǵyp ketken.
Atalǵan derek QR QK 344-baby boıynsha sotqa deıingi tergeý isi reestrine tirkeldi.
Kóliktegi ІІD basshysynyń baspasóz hatshysy Qasymjanova Lázzattyń aıtýynsha, mundaı qaıǵyly oqıǵalar kóbine adamdardyń ruqsat etilmegen jerden ótýinen bolady.
Jyl basynan beri Qazaqstan boıynsha poıyz relsteriniń astyna 57 adam túsken. Olardyń kópshiligi qaza boldy. Onyń ishinde 5 bala jaraqat alsa, 2-eýi kóz jumdy.
Al 15 myń adam ruqsat etilmegen jerden ótkeni úshin jaýapkershilikke tartyldy.
«Bıyl jyl basynan beri poıyzdar 761 ret shuǵyl toqtaǵan. Onyń 358-i adamdardyń kesirinen bolsa, 304 jaǵdaıda temir jol relsterine mal shyǵyp ketken. Sondaı-aq, 8 ret temir joldan kedergi keltiriletin zattar alynyp tastaldy», - delingen habarlamada.
