Almaty mańynda djıý-djıtsýdan týrnır ótti
ALMATY.QazAqparat- Almaty oblysynda balalar men eresekter arasynda djıý-djıtsýdan eki kúndik ashyq týrnır ótti, dep habarlaıdy QazAqparat tilshisi.
Jarys «Rýhanı Jańǵyrý» jáne Jastar jyly aıasynda ótti. Oǵan 5 jastan 30 jasqa deıingi 300-den astam sportshy qatysty. Elimizdiń ár aımaǵy men Qyrǵyzstannan shyǵys jekpe-jeginiń qyr-syryn jetik meńgergen jastar keldi.
«Týrnırdiń birinshi kúninde 5 jastan 16 jasqa deıingi sportshylar qatysty. Ekinshi kúni 16 jáne odan úlkender baq synady. Jarysqa qatysýshylardyń barlyǵy jaqsy daıyndyqpen kelgen. Sportshylardyń barlyǵy kásibı mamandar. Aralarynda ártúrli chempıonattardyń jeńimpazdary da bar. Jalpy, bul týrnır aldyńǵy týrnırlermen salystyrǵanda erekshe boldy dep sanaımyn, óıtkeni jas qatysýshylardyń sany artyp keledi. ıAǵnı, bul Qazaqstanda djıý-djıtsýdyń belsendi damyp kele jatqandyǵyn kórsetedi», - deıdi «Sagadat batyr -QTT» klýbynyń bas jattyqtyrýshysy Nursultan Orynbasarov.
Uıymdastyrýshylardyń aıtýynsha, bul chempıondardyń basym bóligi Іle aýdanyndaǵy kásipqoı sport klýbynyń tárbıelenýshileri. Qazirgi tańda 500-ge jýyq qyz ben jigit birneshe klýbta sheberlikterin shyńdap jatyr. Olar álemdik jarystarda el namysyn qorǵaıtyn bolady.
«Bul týrnırge erekshe kóńil bóldik. Qazirgi tańda djıý-djıtsý sportyna degen suranys zor. Aýdan jastaryna dán rıza boldym. Bizdiń maqsatymyz elimizde osy sport túrin damytý. Aldaǵy ýaqytta osyndaı aýqymdy týrnırler kóp bolady degen oıdamyn» -deıdi, «Sagadat batyr - QTT» klýbynyń prezıdenti Erbolat Turymbetov.
Aıta keteıik, bul týrnır «Sagadat batyr – QTT» klýby men Іle aýdandyq «Nur Otan» partııasy fılıalynyń qoldaýymen ótti.
