Almaty mańynda daýyldan zardap shekken orman qalpyna keltiriledi - A.Mamytbekov
ALMATY. 9 maýsym. QazAqparat /Erbol Azanbek/ - Almatyda 17 mamyr kúni bolǵan daýyl saldarynan qulaǵan aǵashtardy satýdan túsken qarjy jańa aǵashtar otyrǵyzýǵa jumsalady. Bul týraly búgin Almatyda QR Aýyl sharýashylyǵy mınıstri Asyljan Mamytbekov málim etti.
Onyń sózine qaraǵanda, daýyl saldaryn joıý úshin vedomstvoaralyq arnaıy komıssııa qurylyp, ekologııalyq, qarjylyq shyǵyndy, sondaı-aq orman men jer qyrtysyn qalpyna keltirý máselesin anyqtaıdy.
A.Mamytbekovtyń aıtýynsha, qulaǵan aǵashtar satylymǵa túsedi. «Qazirgi kezde aǵashtardy satý úshin arnaıy buıryqqa qol qoıyldy. Aǵashtar kóterme baǵamen shet elge, sondaı-aq elimizdegi kompanııalarǵa satylady. Qulǵan aǵashtardy ornynda óńdeý úshin jyljymaly aǵash kesý qurylǵylary ornatylady. Satýdan túsken qarjy ormandy qalpyna keltirýge, atap aıtqanda jas aǵashtar otyrǵyzýǵa jumsalady»,- dedi mınıstr.
Mınıstr Almaty tarıhynda birinshi ret bolǵan osyndaı daýyldyń saldary orasan bolǵanyn aıtady. Mamandardyń esebi boıynsha, 17 mamyrda Іle Alataýy ulttyq parkinde qulaǵan aǵashtardy tazalaýǵa kem degende eki jylǵa jýyq ýaqyt kerek. Esterińizge salaıyq, zardap shekken aýmaq 480 gektar, zaqymdanǵan aǵash kólemi 96 myń tekshe metr.
