Almaty mańynda bolǵan jol apatynan bir adam qaza tapty
ALMATY OBLYSY. QazAqparat – Almaty oblysynda Talǵar aýdany Tuzdybastaý aýylynda adam ólimine ákelip soqqan jol apaty boldy, dep habarlaıdy QazAqparat tilshisi.
Almaty oblysy polıtsııa departamentiniń baspasóz qyzmeti habarlaǵandaı, atalǵan jol-kólik oqıǵasy 2 tamyz kúni saǵat 23:30 shamasynda bolǵan.
«Toyota Rav-4» markaly avtokóliktiń 38 jastaǵy júrgizýshisi Aldabergenov kóshesimen batys baǵytta kele jatyp, aǵashqa soqtyǵysyp qalǵan.
Sodan keıin róldi basqara almaı, aýdarylǵan.
Jol-kólik oqıǵasy saldarynan oqıǵa ornynda alǵan jaraqattarynan kóliktiń 33 jastaǵy jolaýshysy kóz jumdy.
Sondaı-aq túrli dene jaraqatymen júrgizýshi Talǵar qalasynyń aýrýhanasyna jatqyzyldy.
«Atalǵan fakti boıynsha QR QK 345-baby 3-bóligi boıynsha qylmystyq is qozǵaldy. Barlyq qajetti saraptamalar taǵaıyndaldy», - dep atap ótti PD.
