Almaty mańynda bolǵan ushaq apaty týraly is boıynsha sottalǵan SCAT ushý qyzmetiniń dırektory bostandyqqa shyqty
ASTANA. QazAqparat - Almaty mańyndaǵy ushaq apaty týraly is boıynsha 5 jylǵa sottalǵan SCAT kompanııasynyń ushý qyzmetiniń dırektory Vıacheslav Artemenko túrmeden bosatyldy, dep jazdy SCAT avıakompanııasynyń PR-menedjeri Vıktorııa Ýlıanova Facebook-taǵy óziniń paraqshasyna.
«Eki aı boıy kútken úmitimiz aqtaldy. Keshe Shymkent áýejaıynda Vıacheslav Mıhaılovıchti kútip aldyq. 24 maýsymda Almaty sotynda Artemenko isi boıynsha apellıatsııa ótti. Nátıjesinde ol bostandyqqa shyqty. Eń bastysy, onyń qyzmetindegi barlyq shekteýler alyndy. Onyń daýysyn estip, moıymaǵan jigerli júzin kórgenim úshin qýanyshtymyn. Barlyq qoldaý bildirgenderge rahmet. Artemenkony qorǵaǵan qaza tapqandardyń týysqandaryna rahmet. Barlyǵyna alǵysymyz sheksiz», - dep jazdy ol.
Eske salsaq, N. Artemenko QR QK 295-baby 3-bóligi boıynsha aıypty dep tanyldy. Oǵan qonys kolonııasynda jazasyn óteı otyryp, bes jyl bas bostandyǵynan aıyrý jazasy kesildi.
2013 jyly 29 qańtarda Talǵar aýdanynda ekinshi aınalymǵa shyqqan CRJ-200 áýe kemesi «Baıserke-Agro» JShS aýmaǵynda apatqa ushyrady. Jerge soǵylǵan ushaq kúl-talqany shyqty. Іshindegi bes ekıpaj múshesi, 16 jolaýshy oqıǵa ornynda qaza tapty.
