Almaty mańynda bolǵan áýe apatynan qaza tapqandardyń arasynda eki qaraǵandylyq bar
QARAǴANDY. 30 qańtar. QazAqparat - Almaty mańynda bolǵan áýe apatynda qaza tapqandardyń arasynda eki qaraǵandylyq bar, dep habarlady agenttiktiń tilshisi.
Olar - ekıpajdyń komandıri Vladımır Evdokımov jáne bortserigi Irına Krıvonosova.
Ekıpaj músheleriniń dostary aıtqandaı, V. Evdokımov kóptegen jyldar boıy Qaraǵandy avıaejasaǵynda jumys istegen, I. Krıvonosova aldaǵy ýaqytta demalysqa shyqpaqshy bolǵan. Bortseriktiń marqum jubaıy ushqysh bolǵan.
Buǵan deıin habarlanǵandaı, 2013 jyldyń 29 qańtarynda Almaty qalasynyń áýejaıy aýmaǵynda «Skat» avıakompanııasynyń GRJ-200 áýe kemesi apatqa ushyrady. Ushaq «Kókshetaý-Almaty» baǵyty boıynsha ushqan.
Ushaq Almaty oblysy Talǵar aýdany Qyzyl Tý kentiniń mańynda, áýejaıdyń shyǵys jaǵynda qulaǵan. Ushaq bortynda arasynda 1 bala bar 16 jolaýshy jáne ekıpajdyń 5 múshesi bolǵan.
Memleket basshysy N.Á.Nazarbaev qazaq tapqandardyń týys-týǵandaryna kóńil aıtty.
Elbasy tapsyrmasymen Almaty áýejaıy mańynda SRJ-200 ushaǵynyń apatqa ushyraýy saldarynan bolǵan top adamnyń ólimine ákep soqqan oqıǵanyń sebebin anyqtaý jónindegi Úkimettik komıssııa quryldy.
Komıssııany QR Premer-Mınıstriniń birinshi orynbasary - Óńirlik damý mınıstri B. Saǵyntaev basqarady. Komıssııa quramyna kólik jáne kommýnıkatsııa, tótenshe jaǵdaılar, ishki ister, densaýlyq saqtaý, eńbek jáne áleýmettik qorǵaý mınıstrlikteriniń, Bas kólik prokýratýrasynyń ókilderi, «SKAT» ÁK AQ prezıdenti kirdi.
Bas kólik prokýratýrasy Qylmystyq kodekstiń 295 babynyń 3 tarmaǵy (2 nemese odan da kóp adam ólimine ákep soqqan áýe kóliginiń qozǵalys qaýipsizdigi men paıdalaný tártibin buzýshylyq) boıynsha qylmystyq is qozǵady.
Bombardier CRJ-200 qulaǵan jerde birden Almaty qalasy áýejaıynyń qutqarýshylar jasaǵy, órt sóndirýshiler, qutqarýshylar men dárigerlik bólimsheler, QR TJM shuǵyl psıhologııalyq kómek toby kelip jetip, jumysqa kiristi.
Apattyq-qutqarý jumystaryna 1107 adam men 173 birlik tehnıka qatysýda.
2013 jylǵy 29 qańtarda saǵat 21-00-de Almaty áýejaıyna kelgen Úkimettik komıssııa músheleri oqıǵa ornyna kelip, tekserý jumystaryn bastady. Baqytjan Saǵyntaev basqarǵan komıssııa oqıǵa ornyndaǵy barlyq qurylymdar men qyzmetterdiń qatysýymen jedel jıyn ótkizdi. Mınıstrlikterdiń basshylary atqarylǵan jumystar týraly baıandady.
Búgin, 30 qańtar kúni saǵat 10:00-de Almaty áýejaıynda Úkimettik komıssııanyń kezekti jıyny ótti.
QR DSM «Sot medıtsınasy ortalyǵy» sarapshylarynan turatyn jedel top qańtardyń 29-nan 30-na qaraǵan túni qaza tapqandardyń denesine saraptama júrgizdi. Qazir ólim sebepteri anyqtalyp, barlyq máıitter týystarynyń tanýyna jáne olarǵa berýge daıyndaldy.
Borttaǵy jazbalar Máskeýdegi Úkimetaralyq avıatsııalyq komıtetke saraptamaǵa jiberildi.
Qazaq tapqandardyń týystaryna psıhologııalyq kómek kórsetý jalǵasýda.
Qurban bolǵandardyń otbasylaryna «SKAT» ÁK AQ atynan 3 mln teńge kóleminde, al ákimdik tarapynan 1 mln teńge kóleminde kómek kórsetiledi.
«Jedel jeli» telefondary jumys isteıdi:
Astana qalasy, Respýblıkalyq daǵdarys ortalyǵy - 323289, 533279, 255121, 256180
Almaty qalasy, TJD - 8 (7272) 742219.
Kókshetaý qalasy, Aqmola oblystyq TJD - 8 (7162) 255030,255121, 256180.
