Almaty mańynda birneshe órt oqıǵasy tirkeldi
ALMATY. QazAqparat - Almaty oblysynyń mańynda birneshe órt oqıǵasy tirkeldi, dep habarlaıdy QazAqparat tilshisi QR ІІM Tótenshe jaǵdaılar komıteti baspasóz qyzmetine silteme jasap.
Naqtyraq aıtqanda, saǵat 13:20 shamasynda Іle aýdanyndaǵy «Dorojnık» demalys úıinde jalpy aýmaǵy 500 sharshy metr bolatyn qurǵaq shóp otqa orandy. Osydan keıin tilsiz jaý 32 sharshy metrlik saıajaıly úıdi sharpyǵan. TJD qyzmetiniń kúshimen órt 14:24 kezinde óshirildi. Zardap shekkender nemese qaza tapqandar joq.
Saǵat 13:57 kezinde Túrksib aýdanynda shamamen aýmaǵy 4-5 ga bolatyn qurǵaq shóp órtendi. Zardap shekkender nemese mert bolǵandar joq. Oqıǵa ornynda Almaty TJD (32 maman men 7 arnaıy tehnıka) qyzmetkerleri jumyldyryldy.
Saǵat 13:28 kezinde Іle aýdany Kaztsık aýyldyq okrýginde aýmaǵy 5 ga bolatyn qurǵaq shópti ot sharpyǵan. Araǵa bir jarym saǵat salyp tilsiz jaýdy TJD qyzmetkerleri (3 qyzmetker men 1 arnaıy tehnıkanyń kómegimen) tolyq aýyzdyqtady.
Sonymen qatar, saǵat 14:23-te atalmysh aýdanda taǵy 50 sharshy metrdi alyp jatqan qurǵaq shóp órtengen. Saǵat 15:00-de 3 qyzmetker men 1 arnaıy tehnıkanyń kómegimen tilisiz jaý aýyzdyqtaldy.
