Almaty mańynda bir táýlikte eki ret jer silkindi

ASTANA.QazAqparat - Tótenshe jaǵdaılar mınıstrligi «Seısmologııalyq tájirıbe-ádisteme ekspedıtsııasy» JShS seısmıkalyq stantsııalar jelisi 10 aqpan kúni Almaty ýaqytymen 14.44-te jer silkinisin tirkedi, dep habarlaıdy QazAqparat.

«Zilzala oshaǵy Almatydan ońtústik-batysqa qaraı 113 shaqyrym qashyqtyqta, Qyrǵyzstan aýmaǵynda ornalasqan. Energetıkalyq klasy – 7.9. MPV magnıtýdasy – 3.4. Epıtsentr koordınattary – 42.38° s.e. 76.12° sh.b. Tereńdigi – 20 shaqyrym. Sezilgeni jaıly aqparat (MSK-64 shkalasy boıynsha) joq»,- delingen habarlamada.
Bul Almaty mańynda bir táýlik ishinde tirkelgen ekinshi jer silkinisi. Saǵat 11:24-te qazaqstandyq seısmologtar 4,5 baldyq jer silkinisi týraly habarlaǵan bolatyn. Jer silkinisiniń oshaǵy Almaty qalasynan ońtústik-batysqa qaraı 338 shaqyrym jerde Qyrǵyzstan aýmaǵynda ornalasqan.

Foto: EPA/Claudio Peri