Almaty mańynda belgisiz bireýler avtobýs júrgizýshisin soqqyǵa jyqty
ALMATY. QazAqparat - Almaty mańynda tapatal túste avtobýs júrgizýshisine qaraqshylyq shabýyl jasaldy. Polıtsııa oqıǵaǵa qatysty tergeý júrgizip jatyr, dep habarlaıdy QazAqparat tilshisi.
Áleýmettik jelilerde № 220 marshrýtynyń júrgizýshisin kúndiz 150 teńge úshin soqqyǵa jyqqandyǵy týraly vıdeo paıda boldy.
Shabýyl 20 jeltoqsan kúni Jetigen temirjol stantsııasynda oryn alǵan. Sonymen qatar, beınejazbada júrgizýshini uryp-soǵyp, qabyrǵasyn syndyryp, barlyq aqshany alyp ketkeni aıtylǵan .
Almaty oblysy Polıtsııa departamentiniń baspasóz qyzmeti avtobýs júrgizýshisine jasalǵan shabýyl týraly quqyq qorǵaý organdaryna eshqandaı shaǵym túspegenin habarlady. Oqıǵa áleýmettik jelilerdi baqylaý kezinde anyqtaldy.
«Qazirgi ýaqytta buzaqylyq faktisi boıynsha sotqa deıingi tergeý amaldary júrgizilýde, oqıǵanyń qatysýshylary men kýágerleri anyqtalyp jatyr. Tıisti saraptamalar taǵaıyndaldy. Tergeý nátıjeleri boıynsha protsessýaldyq sheshim qabyldanady «, - dep túsindirdi polıtsııa.
