Almaty mańynda apatqa ushyraǵan jolaýshylar ushaǵynyń «qara jáshigi» Máskeýge jiberildi
ASTANA. 31 qańtar. QazAqparat - Búgin memleketaralyq avıatsııalyq komıtettiń sarapshylary táýelsiz zertteý júrgizýi úshin Almaty mańynda apatqa ushyraǵan jolaýshylar ushaǵynyń «qara jáshigi» Máskeý qalasyna jetkizildi.
Bul týraly QR Prezıdenti janyndaǵy Ortalyq kommýnıkatsııalar qyzmetiniń saıtynda habarlandy.
Ushaq apatynda qaza bolǵan aqmolalyq azamattardyń deneleri 30 qańtarda Kókshetaýǵa jetkizildi, Almaty qalasynyń 6 turǵynynyń múrdesi týystaryna berildi. Al Qyrǵyzstan azamatynyń denesin Almaty qalasy TJD qyzmetkerleri Bishkek qalasyna jetkizdi.
Buǵan deıin habarlanǵandaı, 2013 jyldyń 29 qańtarynda Almaty qalasynyń áýejaıy aýmaǵynda «Skat» avıakompanııasynyń GRJ-200 áýe kemesi apatqa ushyrady. Ushaq «Kókshetaý-Almaty» baǵyty boıynsha ushqan.
Ushaq Almaty oblysy Talǵar aýdany Qyzyl Tý kentiniń mańynda, áýejaıdyń shyǵys jaǵynda qulaǵan. Ushaq bortynda arasynda 1 bala bar 16 jolaýshy jáne ekıpajdyń 5 múshesi bolǵan.
