Almaty mańynda apatqa ushyraǵan CRJ-200 ushaǵy boıynsha esep jaqyn arada jarııalanady
ASTANA. QazAqparat - CRJ-200 áýe kemesiniń Almaty qalasy áýejaıynyń mańynda apatqa ushyraý sebepteri aqpan aıynda belgili bolady. Bul týraly Azamattyq avıatsııa komıteti tóraǵasynyń orynbasary Serik Muhtybaev málim etti.
Ushaqtyń apatqa ushyraý sebepterin anyqtaý úshin zertteý materıaldary Kanada men AQSh mamandaryna jiberilgen bolatyn.
"CRJ boıynsha, qazirgi ýaqytta halyqaralyq sarapshylardyń bergen nátıjeleri kelip tústi. Menińshe, osy apatty zerttegen komıssııa jýyq arada apat sebepterin jarııalaıdy. Jeke komıssııa bar, múmkin aqpanda daıyn bolady. Aǵylshyn tilinde bolǵandyqtan, olardyń barlyǵy aýdarylýda", - dedi ol.
Esterińizge sala keteıik, CRJ-200 ushaǵy 2013 jyldyń 29 qańtarynda Almaty áýejaıyna qonýǵa baǵyt alǵanda apatqa ushyraǵan. Onyń saldarynan 21 adam, ıaǵnı 16 jolaýshy men 5 ekıpaj múshesi qaza tapty.
