Almaty mańynda apatqa ushyraǵan Challenger-200 ushaǵy boıynsha tergeý nátıjesi aldaǵy jyldyń basynda jarııa etiledi - B. Saǵyntaev
ASTANA. 26 jeltoqsan. QazAqparat - Almaty mańynda «Skat» áýeakompanııasynyń jolaýshylar ushaǵynyń apatyn tekserý nátıjesi aldaǵy jyldyń basynda jarııa etiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Úkimet basshysynyń birinshi orynbasary Baqytjan Saǵyntaev málim etti.
Onyń sózine qaraǵanda, bul qaıǵyly oqıǵany tergeý sharalaryna ushaqty shyǵarǵan zaýyttyń mamandary, Kanada men AQSh avıatsııalyq bıliginiń jáne Halyqaralyq avıatsııalyq komıtetiniń ókilderi jumyldyryldy.
«Biz málimetterdi endi ala bastadyq, sotmedsaraptama boıynsha sheshim derekteri túse bastady, sondaı-aq ushýdyń úlgileý jumystary júrýde. Meniń oıymsha, barlyq jumystar aıaqtalǵannan keıin aldaǵy jyldyń basynda QR Kólik jáne kommýnıkatsııa mınıstrligi deńgeıinde jumys istep jatqan sarapshylar resmı málimdeme jasaıdy», - dep naqtylap ótti ol.
Esterińizge sala keteıik, 2013 jyldyń qańtarynda "Skat" áýekompanııasynyń Challenger-200 ushaǵy Almatydaǵy áýejaıǵa qonýǵa aınalyp kele jatqanda apatqa ushyrady. Saldarynan ekıpajdyń 5 múshesi men 16 jolaýshysy opat boldy.
