Almaty mańynda «Altyn Orda» bazary órtendi
TALDYQORǴAN. QazAqparat – Almaty qalasynyń irgesinde ornalasqan «Altyn Orda» bazarynan órt shyqty, dep habarlaıdy QazAqparat tilshisi.
«30 maýsym kúni saǵat 16:23-te Qarasaı aýdany, Almaty-Tashkent avtojolynyń 15-shaqyrymynda ornalasqan «Altyn Orda» bazarynda ashana órtenip jatqandyǵy jóninde habarlama tústi. Qyzyl jalynnyń taralýy saǵat 17:00-de toqtatylyp, 17:33-te tolyǵymen sóndirildi. Aldyn ala boljam boıynsha, tilsiz jaý 240 sharshy metr jerdi (ashananyń aýmaǵy jáne metaldyplastıkten jasalǵan saýda pavılondary) sharpyǵan. Órttiń shyǵý sebebi anyqtalýda», - delingen Almaty oblystyq Tótenshe jaǵdaılar departamentiniń baspasóz qyzmeti taratqan aqparatta.
Jalynmen kúreske Almaty qalasy men Almaty oblysynyń 20 órt sóndirýshisi jáne 4 tehnıkasy jumyldyrylǵan.
