Almaty mańynan balalar arbasynda jatqan sábı tabyldy

ALMATY. QazAqparat- Úlken Almaty aınalma joly aımaǵynan balalar arbasynda jatqan náreste tabyldy, dep habarlaıdy QazAqparat tilshisi.

Kishkentaı balanyń vıdeosy TikTok jelisinde tarady.

Almaty oblysynyń polıtsııa departamentine 15 mamyr kúni saǵat 10:08 shamasynda Úlken Almaty aınalma jolynan 5 shaqyrym jerde kámeletke tolmaǵan bala tabylǵany týraly habar túsken.

Atalǵan derek Qarasaı aýdandyq polıtsııa basqarmasynda tirkeldi.

Faktini tekserý barysynda oqıǵa ornyna dereý polıtsııa jasaǵy jóneltilip, kóp uzamaı balanyń anasy anyqtaldy.

«Áıelge QR ÁQBtK 127-babynyń 1-bóligi boıynsha ákimshilik hattama toltyrdy. Ata-anamen túsindirme sıpattaǵy profılaktıkalyq áńgime júrgizilip, olar QR Qylmystyq kodeksiniń jáne Ákimshilik quqyq buzý týraly kodeksiniń baptarymen tanystyryldy», – dep habarlady vedomstvodan.