Almaty, Mańǵystaý jáne Jambyl oblystarynda óte qatty aıaz saqtalyp otyr - 25 qańtarǵa arnalǵan aýa raıy boljamy
ASTANA. 24 qańtar. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK-nyń málimetteri boıynsha, 2012 jyldyń 25 qańtarynda Qazaqstannyń basym bóligi áli de sýyq antıtsıklonnyń yqpalynda bolady.
Qyzylorda, kúndiz Atyraý, Batys Qazaqstan oblystarynda keıbir jerlerde sekýndyna 15-20 metrge deıin jel soǵady dep kútilýde.
Aqtóbe oblysynda keıbir jerlerde burqasyn, jeldiń sekýndyna 18 metrge deıin kúsheıýi kútilýde.
Jambyl, Ońtústik Qazaqstan oblystarynda keıbir jerlerde tuman, kúndiz jeldiń sekýndyna 15-20 metrge deıin kúsheıýi kútilýde.
Almaty oblysynyń Jalańashkól aýdanynda jeldiń kúshi sekýndyna 18-20 metrden 28 metrge deıin kúsheıýi saqtalalady.
Qostanaı, Shyǵys Qazaqstan oblystarynda - keıbir jerlerde tuman túsedi.
Almaty oblysynda keıbir jerlerde óte qatty aıaz saqtalyp otyr, Mańǵystaý, Jambyl oblystarynda da keıbir jerlerde qatty aıaz saqtalady.
Taıaýdaǵy táýlikterde Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń kóptegen ózenderinde muz qatý úrdisi jalǵasyp, ózenderdiń arnalary kóterilýi, sonyń saldarynan jekelegen ózender arnalarynan asyp, sý basý jaǵdaılary bolýy múmkin.
