Almaty mańaıynan iz-túzsiz joǵalyp ketken 6 adam tabyldy
ALMATY. QazAqparat - Almaty mańaıynan iz-tússiz joǵalyp ketken 6 adam tabyldy. Bul týraly Almaty qalalyq lańkestikke qarsy jedel shtabtyń baspasóz qyzmeti habarlady.
Naqtyraq aıtsaq, 6-25 qańtar aralyǵynda Almatyǵa jaqyn eldi mekenderde saýyqtyrý sharalary ótkizilip jatyr. Mamandardyń aıtýynsha, bul sharalardyń ýaqytsha tirkeýge qatysy joq, olar qylmys pen quqyqbuzýshylyqtyń aldyn alýǵa baǵyttalǵan.
Tekserý barysynda Almaty oblysynyń 5 aýdany túgel qaraldy. Esepte turǵan 4 myń tulǵa, onyń ishinde buryn sottalǵandar men júıke júıesi aýrýyna shaldyqqan adamdar tekserildi.
«Úsh kún ishinde 14 qylmysker ustaldy. Buryn iz-tússiz joǵalyp ketken 6 adam tabyldy. Kóshi-qon týraly zańdy buzǵan 346 sheteldik azamat qamaýǵa alyndy. 12 adam syrtqa shyǵaryldy. Sondaı-aq, jigitterge jabysqan 49 boıjetken men ǵımaratty osy maqsatta jalǵa bergen 7 tulǵaǵa qatysty ákimshilik jaza qoldanyldy. Sondaı-aq, jedel áreket aıasynda 5 myń 951 qarý ıesi tekserilip, 219 qarý tartyp alyndy. Sonymen qatar, jol erejesin buzǵan 1640 adam jazaǵa tartyldy», - delingen habarlamada
