«Almaty – Manama» týrıstik charterlik reısi qatynaı bastady

ASTANA. QazAqparat – Qazaqstan men Bahreın arasynda áýe qatynasy ashyldy, dep habarlaıdy QazAqparat.

«Ushý geografııasyn keńeıtý jáne halyqaralyq reıster sanyn arttyrý boıynsha jumys sheńberinde bıylǵy 28 maýsymynan Qazaqstan men Bahreın arasynda «Almaty – Manama» baǵytymen týrıstik charterlik reıster iske qosyldy.

Reıster «SCAT» áýe kompanııasymen aptasyna 1 ret (sársenbi kúnderi) jıilikpen Boeing-737 úlgisindegi áýe kemelerimen oryndalady.

Osy halyqaralyq baǵyttyń ashylýy Qazaqstan men Bahreın arasyndaǵy mádenı, iskerlik, ınvestıtsııalyq jáne týrıstik qatynastardy odan ári damytýǵa yqpal etetin bolady», - delingen Azamattyq avıatsııa komıtetiniń málimetinde.