Almaty lokomotıv deposyna 80 jyl toldy
strong> Qyrkúıektiń 10-y. QazAqparat /Erbol Azanbek/ - Almaty lokomotıv deposyna 80 jyl toldy. Búgin mereıtoı saltanatty túrde atalyp ótildi,
dep habarlaıdy QazAqparat.
Depo 1930 jyly «Túrkistan-Sibir» temirjolynyń paıdalanýǵa berilýine baılanysty qurylǵan. Negizgi jumysy júkterdi tasymaldaý, sharýashylyq jáne tehnıkalyq jumystardy júzege asyrý, lokomotıv parkiniń jumysyn qamtamasyz etý. Depo elimiz táýelsizdik alǵan soń «Lokomotıv» AQ-nyń fılıaly retinde «Almaty eksplýatatsııalyq lokomotıv deposy» bolyp qaıta quryldy.
«Lokomotıv» AQ-nyń prezıdenti Qadyl Talasbekovtyń aıtýynsha, óziniń 80 jyldyq tarıhynda depo jyldarmen ólshenbeıtin qyrýar jumys atqardy. «Bul eńbektiń nátıjesi júzdegen shaqyrym temirjol salynyp, onyń tehnıkalyq jumysyn qadaǵalaý júrgizildi. Bul rette jumysshy mamandardyń eńbegi ólsheýsiz. Búginde Almaty deposy burynǵy deponyń izin jalǵastyrýshy, jyl ótken saıyn ósý, damý ústinde», deıdi Qadyl Talasbekov.
Sharaǵa qala ákimdiginiń ókilderi, ardagerler qatysyp quttyqtady. Sondaı-aq birqatar qyzmetkerler qurmet gramotalarymen marapattaldy.
